قصيدة لشيخ يحب النركيلة

مساء \ صباح الخير
اشلونكم شباب، كيف الصحة والاحوال، ان شاء الله بخير ومرتاحين
ما اعرف ليش المشاركات قليلة هاي الايام بالمنتدى، يمكن لان الجو حااااااااااااااااااااار جدا، بالذات يمنا بالعراق، او اكو غير اسباب، بس بشكل عام اتمنى ان يكون ماكو شي مزعج يمنع المشاركين من اولاد العم الاعزاء من الدخول
المهم
اليوم جبتلكم كم بيت من قصيدة لشاعر عراقي بحب النركيلة، لاتستغربون، شاعر نظم قصدية بحب النركيلة، وهاي كم بيت منها.



عشق الشاعر الشيخ معتصم بن محمد للنركيلة دفعه لتأليف قصيدة في حبها ومطلعها

اغنم زمانك فإنه لن يدوم إلا ثوانيا ......... والمعسل إن لم يكن فما للدنيا من معانيا
الشيشة هي صاحبي في حلي وترحاليا ......... إن غابت غاب عقلي وقلبي وروحيا
لمجلسي هي مؤنس في صبحي وليليا ......... ومن طلب العلا سهر اللياليا
إن سامرتها وجالستها فمعذر ......... فهي لي كمقام قيس من ليليا
فإن كانت هي جليسي في مجلـس ......... فأنا صخرة لا أتزحزح من مكانيـٍا


هذا تعبير عن الحب العميق للنركيلة الممتد منذ القديم الى يومنا هذا

ويريدون يمنعوها بهاي الايام السودا، على اساس انو الدنيا بخير وماكو مصايب والناس مرتاحة.
مايعرفون انو الناس محتاجة لكل شي حتى ينسون المصايب الي عايشين بيها بالعراق العظيم بسبب وطنية واخلاص الموجودين الان في الحكم والمسؤولية.
والف رحمة عليك ياشيخ معتصم على هاي الابيات الحلوة.

ان شاء الله تعجبكم وان شاء الله نشوف ردود افعال لهاي القصيدة

تحياتي

عفوا عزيزي وابن عمي العزيز
اشكرك على تشريفي بزيارة الموضوع
فعلا الحر والوضع مابقى بينا حيل نعمل شي وعلى الاقل كانت النركيلة شي نقضي بينو الوقت
حتى هاي يريدون يحرمونا منها
مايكفي الماي والكهرباء والتلفون ووووووووووووو حتى على هاي لحقونا
ماعدنا غير ان نقول الله يستر ويعدل الوضع بلكي نعيش مثل نص عيشة البشر بغير بلدان من نفس مستوى العراق

من يكون الانسان غارق بالمشاكل يفضل ان يبتعد عن الناس كلها مو بس عن منتدا الغالي
شكرا ابو حبيب بس انا انصح كل من يدخن النركيلة ان يتركها ...
وبالذات زوجي حبيب حياتي اتمنى من كل قلبي يتركها مثل ما ترك هواية اشياء تعجبى لاني ما اشوف بيها الا شبح الموت ....

صدقيني دونا انا ما اقصد ان اشجع على النركيلة، بس الظروف الي نعيش بيها ماتبقي للانسان اي امل بالحياة، فهاي الشغلة شوية تخفف من الحمل والتعب.
بس همين الواحد عندو عقل يفكر بينو، ويقدر يحدد انو يشرب نركيلة مرة بالاسبوع فقط ومايزيد عليها، بس اذا كان الانسان ضعيف، فالله يستر علينو.
ان شاء الله زوجكي العزيز يترك النركيلة ويحقق امنيتكي.
بالمناسبة، ابعثيلي رقمو حتى اتفق معانو ونقعد فد يوم نشرب نركيلة سوا، واذا ماترهم ابعثلو نركيلة هدية مني.
مع شكري لمروركي الكريم بالموضوع.

قصيدة حلوة
تسلم اخ مجدي

شكرا اختي بشرى لمروركم الكريم

نسيت تقول بنهاية القصيدة
‎‏تحذير صحي التدخين سبب رئيسي للسرطان وأمراض الرئة والقلب والشرايين‏‎
لان النركيلة لا تختلف نهائي عن الجكارة وكلها تسبب هاي الامراض
بس بيني وبينك قصيدة تضحك