و طن فلت منه حرف الواو

من طرف Ehab_Thommas الأحد نوفمبر 08, 2009 11:54 am

و طن فلت منه حرف الواو

شالوك يا عراق من العلم وشكلوا براسك إشكال حكومات
شالوا موقعك من الخريطة وتاريخك تشخبط وشغلوا عليه المساحات
فرغوك يا وطن من كل الموارد وجنسوا أهل الفكر والمهارات
جنت وطن كله حضارات من الحفر تصير وطن جبال ومغارات
تكدر تعترض يا وطن مو الكفرة حتى علمك شالوا منة رب السماوات
يا أغلى وطن وأحلى شعب حاربوك وباعوك بشوية دولارات
الدول هايمه تسوم بيك ياهو اليدفع اكثر ويشتريك بسوك العقارات
أي شعبالك العالم تتذابح عليك وبيناتهم دك بالمزايدة والحسومات
خو مو مثلنا صوجك وصوجي نازلين واحد بالثاني دك ملامات
يا وطن صدكني بعد ما ترجع بس بكلمة يا ريت وبالمنامات
اعذرني يا وطن بس شينظفك بعد ما زرعوا بيك الجرم والمخدرات
جان اسمك العراق هسه بلد كبسلة ونهب وشكو تعاسات
صدكني اعرف يا وطن كبسلوك والجيران دزولك هواية حشرات
وفوك القهر المزعطة بالشوارع صايرة مايكل جاكسون بالاسلحة تتفيك حركات
همزين شغله وحدة نعرفها صرنا بجيوبهم نتعلك مثل الميداليات
يا وطن تدري صرت أخر وطن بالكرة الأرضية والقارات
أحنا بعدنا نفسر الكتب على كيفنا ونقرا بالتاريخ وهمه صنعوا دبابات
عادي واقل من عادي هي كله ضيعنة وطن ابد ما نكول حرامات
يا وطن اعرف انهاريت والباقي كله تلفيق وجذب ونشر بهالمقالات

كلمات Ehab_Thommas

من طرف **rymon** الإثنين نوفمبر 09, 2009 12:31 pm

اي والله صارت حصرات عليك ياعراق يوم امان بلا انفجارات... صارت حصرات تمشي بلـ شارع وتتعثر بحجرة مو بجثة.... هذا هو العراق الجديد اللي خلى كل واحد ايبوس اهلى و يودعهم وهو طالع يشوف رزقة و ايسوقلهم......

عاشت ايدك حبيبي على هل كلمات ولأبيات الحلوة وبنفس الوقت مؤثرة

من طرف junaina@ الإثنين نوفمبر 09, 2009 2:24 pm

عــراقية

عراقية وتاخذني بسرعه الحميه
عراقية والدم يغلي بيه
يتفجر مثل الشظيه ويطلع من عروك ايديه
عراقيه بطيبة كلب شماليه
بعزة نفس بغداديه
بشهامه وغيرة طبع اجنوبية
عراقية وابلادي بغلاوة امي وابويه
ولو مر اسمك ياعراقي ماادري شيصير بيه
يابغداد..يالروح والريه..يابغداد ياخيه
يا بنت الخير والعامريه..احسن بيج وتحسي بيه
وادري بروحج شلون منهم مجويه
كسروا ايديج بس ظلت هامتج عاليه وبهيه
وهسه انكسر خاطرهم عليج يالشامخه الابيه
لا..ابد والله موانتي ..همه الي خطية
كوم ياابن بلادي وعلمهم التضحية شنيه
عراقية ونذرت الروح للوطن هدية
وبعيوني المدميه احرسك ياعراق الحرية
عراقية وعلمتني امي الغالية شلون ازرع الحنيه
واخلي نخيلي العاليه فخر اليه
عراقية ..الكرم والجود يتوسم بيه
والصبر وشم محفور بيه
عراقيه ولو كل مادار الزمن اتضل اخلاقي هيه هيه
عراقيه كرديه اشوريه سنيه وشيعية
ومااعرف شنو معني الفرقة الوهمية
ولو شال الدهر خناجره و سيوفه عليه
اضل عراقية ومااحني الركبه الا لرب البشريه

عــــــــــراقيـة

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

من طرف bushra-n2008 الثلاثاء نوفمبر 10, 2009 1:26 am

يا وطن اعرف انهاريت والباقي كله تلفيق وجذب ونشر بهالمقالات
كلمات مؤثرة جدااااااا
شكرا اخ ايهاب

كلمات رائعة يدمى لها القلب
نبكي دما بدل الدموع لما وصل اليه حال هذا البلد
لكن ...
ماذا تفيد الدموع
اذا كان المجرم هو الحاكم
والخائن هو القاضي
واللص هو الشرطي
ااااااااااااااه يا عراق
نحن نبكي على ضياع وطن عملاق
وطن اصبح للصوص مثل الميدالية لا اكثر يوضع في سلسلة تتباهى بها الاعناق
وطن استبيحت حرمته وابناءه للموت تساق
وطن اصبح مجرد كلمة تلوكها افواه كل مجرم وقاطع طريق افّاق
وطن هرب شعبه وترك كل عزيز بعدما اصبح دمه ارخص من الماء يراق
ااااااااااااااااااااااااه ياوطني كم من مجرم باسمك ارتفع وكم من شهيد باسمك ضاع
عذرا ياوطني فانا لست سوى انسان ضعيف لا شيء له سوى الدموع والحسرات والاهات
عذرا ياوطني على كل ما جرى ومايجري فنحن لسنا سوى سلعة بيد المجرمين والرعاع
باسم الديمقراطية باعونا وباسم الحرية قتلونا وباسم الدين اصبحت اجسادنا هدفا لسلاح الرعاع
عذرا ياوطني فنحن نتمنى يوم تعود فيه بلد طيبا يحتضن ابناءه مثل الاب الطيب العملاق

مع تحياتي
مجدي السناطي
ابو حبيب

من طرف Ehab_Thommas الجمعة نوفمبر 13, 2009 7:13 pm

rymon كتب:
اي والله صارت حصرات عليك ياعراق يوم امان بلا انفجارات... صارت حصرات تمشي بلـ شارع وتتعثر بحجرة مو بجثة.... هذا هو العراق الجديد اللي خلى كل واحد ايبوس اهلى و يودعهم وهو طالع يشوف رزقة و ايسوقلهم......

عاشت ايدك حبيبي على هل كلمات ولأبيات الحلوة وبنفس الوقت مؤثرة

شكرا الك اخي العزيز على مرورك الرائع ونثر عطر تواجدك في متصفحي المتواضع

تحياتي

من طرف Ehab_Thommas الجمعة نوفمبر 13, 2009 7:18 pm

junaina كتب:عــراقية

عراقية وتاخذني بسرعه الحميه
عراقية والدم يغلي بيه
يتفجر مثل الشظيه ويطلع من عروك ايديه
عراقيه بطيبة كلب شماليه
بعزة نفس بغداديه
بشهامه وغيرة طبع اجنوبية
عراقية وابلادي بغلاوة امي وابويه
ولو مر اسمك ياعراقي ماادري شيصير بيه
يابغداد..يالروح والريه..يابغداد ياخيه
يا بنت الخير والعامريه..احسن بيج وتحسي بيه
وادري بروحج شلون منهم مجويه
كسروا ايديج بس ظلت هامتج عاليه وبهيه
وهسه انكسر خاطرهم عليج يالشامخه الابيه
لا..ابد والله موانتي ..همه الي خطية
كوم ياابن بلادي وعلمهم التضحية شنيه
عراقية ونذرت الروح للوطن هدية
وبعيوني المدميه احرسك ياعراق الحرية
عراقية وعلمتني امي الغالية شلون ازرع الحنيه
واخلي نخيلي العاليه فخر اليه
عراقية ..الكرم والجود يتوسم بيه
والصبر وشم محفور بيه
عراقيه ولو كل مادار الزمن اتضل اخلاقي هيه هيه
عراقيه كرديه اشوريه سنيه وشيعية
ومااعرف شنو معني الفرقة الوهمية
ولو شال الدهر خناجره و سيوفه عليه
اضل عراقية ومااحني الركبه الا لرب البشريه

عــــــــــراقيـة

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

شكرا لمرورك بقصيدة رائعة

تحياتي

من طرف Ehab_Thommas الجمعة نوفمبر 13, 2009 7:22 pm

bushra-n2008 كتب:يا وطن اعرف انهاريت والباقي كله تلفيق وجذب ونشر بهالمقالات
كلمات مؤثرة جدااااااا
شكرا اخ ايهاب

شكرا لمرورك الكريم اخت بشرى اشكر تواجدك في كل متصفحاتي

تحياتي

من طرف Ehab_Thommas الجمعة نوفمبر 13, 2009 7:32 pm

مجدي السناطي كتب:كلمات رائعة يدمى لها القلب
نبكي دما بدل الدموع لما وصل اليه حال هذا البلد
لكن ...
ماذا تفيد الدموع
اذا كان المجرم هو الحاكم
والخائن هو القاضي
واللص هو الشرطي
ااااااااااااااه يا عراق
نحن نبكي على ضياع وطن عملاق
وطن اصبح للصوص مثل الميدالية لا اكثر يوضع في سلسلة تتباهى بها الاعناق
وطن استبيحت حرمته وابناءه للموت تساق
وطن اصبح مجرد كلمة تلوكها افواه كل مجرم وقاطع طريق افّاق
وطن هرب شعبه وترك كل عزيز بعدما اصبح دمه ارخص من الماء يراق
ااااااااااااااااااااااااه ياوطني كم من مجرم باسمك ارتفع وكم من شهيد باسمك ضاع
عذرا ياوطني فانا لست سوى انسان ضعيف لا شيء له سوى الدموع والحسرات والاهات
عذرا ياوطني على كل ما جرى ومايجري فنحن لسنا سوى سلعة بيد المجرمين والرعاع
باسم الديمقراطية باعونا وباسم الحرية قتلونا وباسم الدين اصبحت اجسادنا هدفا لسلاح الرعاع
عذرا ياوطني فنحن نتمنى يوم تعود فيه بلد طيبا يحتضن ابناءه مثل الاب الطيب العملاق

مع تحياتي
مجدي السناطي
ابو حبيب

اخي العزيز مجدي السناطي المحترم

ان شاء الله تهون ويرجع الوضع ولو صعب بس ان شاء الله
اشكرك على المداخلة الرائعة والمؤثرة بكلمات جميلة
تحياتي

من طرف beware الإثنين نوفمبر 16, 2009 9:19 pm

كلمات في غاية الروعة
ننتظر المزيد

من طرف **dona** الثلاثاء نوفمبر 17, 2009 11:53 pm

جميلة هي القصيدة
عاشت ايدك وننتظر ابداعاتك
وجميلة كل التعليقات المكتوبة
شنكول غير آآآآآآآآآآآآآآآآآآآآآه على العراق
وحرامات

من طرف soso الأربعاء نوفمبر 18, 2009 1:47 pm

انا عمري 31 سنة ومن فتحت عيني الى هسة العراق هذا وضعة وكل يوم شهيد وكل بيت بيه ميت ومهاجر واضن الوضع ما راح يصير احسن
شكرا على كلماتك الحلوة اللي ترهم على كل الازمان بالعراق

من طرف Ehab_Thommas الجمعة ديسمبر 04, 2009 10:09 am

beware كتب:كلمات في غاية الروعة
ننتظر المزيد

شكرا لمرورك الروعة
دمت بمحبة الرب

و طن فلت منه حرف الواو

و طن فلت منه حرف الواو

رد: و طن فلت منه حرف الواو

رد: و طن فلت منه حرف الواو

رد: و طن فلت منه حرف الواو

رد: و طن فلت منه حرف الواو

رد: و طن فلت منه حرف الواو

رد: و طن فلت منه حرف الواو

رد: و طن فلت منه حرف الواو

رد: و طن فلت منه حرف الواو

رد: و طن فلت منه حرف الواو

رد: و طن فلت منه حرف الواو

رد: و طن فلت منه حرف الواو

رد: و طن فلت منه حرف الواو