الموصل اعطتك سيد علاوي فأعطي لشعبها الآصيل..القليل

صدقني عزيزي ماهر انا من كل قلبي اتمنى ان ترجع الموصل مثل زمان واحسن
لاني كل يوم ما اقدر انام اذا ما اتذكر مقهى الجامعة الي مقابل باب الجامعة او مطعم كباب كويسنجق بالداوسة او مدينة الالعاب او الغابات والاهم ان اتذكر دجلة، نهر الجنة الاول والنهر الي بينو احلى ماء واعذب ماء واتحدى كل البشر ان يلقون بربع طيبة ماي دجلة.
كل يوم اتذكر اصدقائي بالموصل، رياض حازم ورياض ابلحد وزيد الاطرقجي وزيد المحروق وعمار وسعد واياد احمد وقبلهم نشوان وعمار ناطق واحمد خالد وخالد موفق وغيرهم وقبلهم كثير، الى اليوم انا عندي اتصالات مع البعض منهم، الي اعرف عنوانو، اما الي ضاع بهاي الدنيا فانا اتمنى ان يصير الوضع بالموصل احسن حتى نلتقي مرة ثانية
اه على الساعات الي قضيناها على شاطي دجلة او نحنا بالزهور وسيدتي الجميلة او الدواسة
اشقد اتمنى ان اقعد اشرب نركيلة من ايد فادي اليزيدي بكازينو قرطاج بالمجموعة او من ايد وليد بالدواسة او من ايد احمد الملا بالزهور
وياريت اقدر اكل ماعون باجة من عد ابن اتى او الاندلس
ولو اشرب زبيب من الدواسة
واشتري جرزات واقعد مع عائلتي بالغابات

ما اقدر اقول غير التالي

الله ينتقم من كل من كان السبب بهاي الحالة

ان شاء الله يجي اليوم الي يرجع الامن والامان للموصل ونفتر بكيفنا بيها بكل احيائها واقضيتها ونواحيها
ان شاء الله نرجع نلتم كل واحد مع اصدقائو واهلو
ان شاء الله يرجع اليوم الي نشرب بينو ماي دجلة العذب الطيب ونتمتع بالفواكه والخضروات الي نهائيا ماشايف مثلها باي مكان، الي بس ريحتها تخلي الواحد تنفتح شهيتو للاكل
قولو معاي امين يارب

شكرا ماهر على الموضوع
كتابة جميلة جدا
واحساس رائع

اضم صوتي الى صوتك اخ ماهر
وانادي الاخ علاوي ان يعتبر وضع المسيحيين بالموصل من الاولويات
شكرا لك على الكلمات الرائعة
تسلم يداك

شكرا ابن العم على الموضوع والكلمات الرائعة
وانشاء الله يكون هم الجميع مصلحة العراق